Potetlomper eller potetlefser har mange lokale namn, variantar og ikkje minst lange tradisjonar. Prøv å laga dine eigne lefser, dei vert endå bedre enn dei du kjøper i butikken.
Fyllet bestemmer du sjølv, men denne julelefsa kan eg tilrå på det sterkaste!
Her følger framgangsmetode om du vil prøve å lage lefser på primus eller bål med tursteikepanne.
Oppskrift på potetlefser til primus
Til om lag 15 lefser
1,2 kg poteter
50 g godt smør
1/2 dl surmjølk
2 ss sikta sammalt rugmjøl
3 ss sikta kveitemjøl
Mykje kveitemjøl til utbakinga
Julefyll
Ribberull eller sylte
God sennep
Sylta rødbetar
Utstyr:
• Kjøttkvern eller stavmiksar
• Kjevle, steikepanne
• Steikespade (helst tynn, gammaldags i metall)
• Varmekjelde (straum, bål eller primus)
Framgangsmåte
Potetene skal kokast med skallet på. Skrell dei medan dei er varme eller lunkne. Køyr dei gjennom ei kjøttkvern 2 gonger om du har det. Har du ikkje det kan du bruka stavmiksar eller kjevle og gaffel. Poenget er at dei skal vera mosa grundig sammen til ein jamn klissete masse.
Tipset er å ringa på hjå ho gamle dama som bur attmed deg, eller hipsteren som lagar pølsene sjølv – dei har kjøttkvern, garantert.
Dei beste potetene til lefser
Potetsorter som Beate, Kerrs Pink og Astrix passar godt til baking av potetlefser.
Dei eldre meinar at ein bør bruke fjorårets poteter, men no til dags er det ikkje så mange som har poteter liggande i kjellaren. Men har du det, så veit du no kva du kan bruka dei til!
Rør ut smelta smør og surmjølk saman med mjølet i ein stor bolle før du har i potetmassen. Kna alt godt saman. Deigen skal vera fast og fin, men ikkje tørr. Tilset meir surmjølk om det er tørt og meir mjøl om det er for klissete.
Ha rikeleg med mjøl på benken og del deigen opp i bitar på storleik med små tennisballar. Om du vil ha dei «perfekte» kan du bruka eit grytelok til å stikka ut lefsene med, etter at du har kjevla ut. Då vert dei runde og fine. Eg tykkjer det er litt av sjarmen at dei ikkje skal vera heilt like…
Slik kan du anten steika lefsene heime og ta med ut på tur. Bruk tørr steikepanne eller ei takke. Steik lefsene på begge sider til dei er vortne lysebrune eller brunprikkete.
Du kan ta med pålegg, pølser eller anna digg å ha på ute, eller du kan fylla dei heime.
Gluten- eller laktosefrie alternativ
Glutenfrie lefser: Byt ut kveitemjølet med glutenfritt mjøl.
Laktosefrie lefser: Byt ut smør og mjølk med litt vatn, olje og eventuelt havremjølk.
Det går også an å legga dei rå potetkakene med rikeleg med mjøl og eit matpapir i mellom.
Slik kan du frakta dei med deg ut og hiva dei rett i ei tørr steikepanna på bål eller primus.
Endå lettare er det å ta med seg heile deigen ut på tur, klappa til kakene i hendene med rikeleg med mjøl og steika dei slik, altså utan å kjevla dei ut. Tjukke potetkaker er også godt!
Ei steinhelle fungerer like godt som steikepanne viss du vil prøva det.
Gjør potetlefser på tur til eit lite prosjekt ved å laga dei sjølv og kanskje steika dei ute.
Enda mer lettvint
Gjer det enda meir lettvint med å kjøpa ferdige potetlefser på butikken og berre varma dei på steikepanna på bålet.
Eller kanskje potetlomper laga med potetmos frå pose?
Ditt val, for det viktigaste er å komma seg ut og nyta god mat ute.
Flere turmat-oppskrifter
Turmat
Sigrid er UTEs populære turmatekspert. Vi får stadig tilbakemeldinger fra lesere som har hatt suksess med oppskriftene hennes. Sigrid bor i Sogndal og er lommekjent i Sogn, men hun har også vært på turer til Grønland, Svalbard og Lofoten. Sigrid er utdannet sykepleier, og driver Sogndal Lodge & Guiding. I høst ga hun ut boka Et Ute, som nylig i nytt opplag.
