Byggryn gir litt tyggemotstand og mykje god næring. Ein fin variasjon til havregraut eller anna turfrukost! Det einaste er at byggryna treng litt ekstra koking eller bløytlegging.
Ingen problem på tur!
Du tek gryna i panna om det er plussgrader ute, eller på termosen om det er minus, kvelden før. Då er grauten ferdig på fem minutt morgonen etter.
Pakk med deg byggryna, litt nøtter, honning og bær. Gjerne tørka bær om du skal vera lenge på tur.
Byggrynsgraut for 2 svoltne personar
2 dl byggryn
3 dl vatn til bløytlegging
5 dl mjølk (eller ein halv pose tørrmjølk og 5 dl vatn)
1 ts ekte vaniljesukker
Ei god klype salt
Topping
Honning
Paranøtter
Valnøtter
Blåbær eller tørka tranebær
Start med å varma opp mjølka til kokepunktet.
Tilsett dei oppsvulma gryna i lag med salt og vaniljesukker.
Rør godt medan du let alt koka i 5-10 min.
Det er fort gjort å svi i botnen.
Ein god kjele, middels varme og konstant røring er trikset.
TIPS
#1 Bygg inneheld betaglukan som er positivt for immunforsvar og tarmfunksjon. Smart turmat!
#2 Har du ikkje fått lagt gryna i bløyt, fortvil ikkje. Du kan fint koka gryna i 20-30 minutt, så er dei klare.
PÅ JAKT ETTER FLERE TURMATOPPSKRIFTER? TA EN TITT HER!
Sigrid Henjum er UTEs faste turkokk. I tillegg driver hun Sogndal Lodge, er turguide og bor på et småbruk i Sogndalsdalen. Siste bok: Et Ute
