Naboen min kjem frå Litauen og det var i hagen hennar eg fekk smaka denne suppen første gongen. Ho fortalde at det var typisk mat som bestemor hennar laga i heimlandet.
Eg gjekk straks til innhandling og tok med meg familien på tur – med suppe på lur.
Alle ville ha påfyll, suppen vart godkjend. Fargen er søt, smaken er syrleg og det er god motstand i ingrediensane.
Denne rødbet-retten kan lagast som suppe eller salat. Retten held seg i fleire dagar, så lag rikeleg, så har du både til lunsj og kvelds.
Rødbetane er best om du kokar dei, men suppa kan og lagast med raspa rå rødbetar.
Vårsuppe
til 4 personar
500 g rødbetar, kokast til dei er møre i vatn med litt salt og litt eddik, eller raspast rå.
Vatn
2 ss eddik
1 ts salt
Til suppa:
0,75 l kefir
2 dl rømme
1 slangeagurk eller tilsvarande sylteagurk
2 vårlauk
1 ts salt
4 egg
Litt dill, fersk eller tørka
Pisk godt saman kefir og rømme og ha dei finhakka ingrediensane oppi. Egga kan du og ha oppi, men også spara nokre til å ha på toppen. Lat blandinga stå i minst ein halvtime (eller medan du forflyttar deg ut i naturen) slik at smakane får blanda seg og fargen komma fram.
Server med varme poteter som du kokar ute på tur.
God tur!
Sigrid Henjum er UTEs faste turmatspaltist. Her finner du flere turmatoppskrifter
