Dette er ei enkel fiskegryte, rask å hiva i hop, med eksotisk smak. Du treng berre ei panne, så oppvasken vert minimal.
Til 4 personar
300 g fisk i store terningar, til dømes laks og torsk
200 g eggnudlar
1 lauk
1 kinesisk kvitlauk
1 klump fersk ingefær på storleik med ein golfball
2 ss tomatpure
2 ts raud currypesto
2 bokar kokosmjølk
2 gulrøtter
Litt olje
Ei klypa salt
Skjer opp lauk, kvitlauk, gulrøter og ingefær i små bitar og fres i litt olje. Tilset tomatpure og currypasta, rør saman. Ha i to boksar med kokosmjølk og kok opp. Knus nudlane i mindre bitar før du strør alt rett i gryta. Del fisken opp i terningar og legg dei i gryta på heilt svak varme. Rør berre om ein gong, slik at fisken held seg nokolunde heil. La gryta kvila i 5 minutt slik at nudlane får svella. Gryta er ferdig når fisken dett frå kvarandre. Smak til med salt.
Server med godt brød og ein limebåt.
